Laus tabaci
N o 68.
Felix ter, qui pusio
viridi juventa
artium primariæ
hausit elementa.
Cui parvo petum est
potius placenta,
gustus ille solidi
jecit fundamenta.
Laudo quidem poculi
Rubidos humores,
Et ad uvam rideo,
Aurum et honores.
Multo magis celebro
Virginum amores:
Sæpe beant oscula
Inter mille flores.
Herbula tam rara!
Tu ocellis virginum
Dulcior amara!
Quantum inter sidera
Micat luna clara,
Tantum inter lilia
Fulges mihi cara.
Virginum perfidia
Turbat sæpe mentes,
Rapta quin puellula
Armat totas gentes.
Ori adhærentes
In æternis osculis
Manent inter dentes.
Vidi sæpe socios
Fortiter potantes,
At, pro dolor! singulos
Valde titubantes.
Petum nulli eructant,
Nisi sint infantes;
Ducunt centum fistulas
Firmo pede stantes.
Jovis fit sodalis,
Inter vasta nubila
Requiescit talis.
Ignis est in manibus
Fulminis æqualis,
Et in toro major est
Cunctis vitæ malis.
Juvenes amati!
Clericum, qui potis est
Fumum bene pati.
Quando erunt fistulæ
Spiritus efflati;
Vos amicum ultimum
Estis conspicati.
Fistulam gestato,
Atque nigris calamum
Velis circumdato.
Magno tandem nubilo
Æthere spectato,
Vos scitote, tabacum
Porrigi beato.